ردت سارة بدير عبر حسابها بموقع “فيسبوك” على سخرية الإعلامية الكويتية مي العيدان من والدها ووصفه بالأقرع. وقالت سارة “طيب أنا صحيت من النوم النهاردة لقيت مصر كلها بعتالي عن بوست أستاذة مي العيدان “الإعلامية”.

وتابعت: “أنا أسمع عن حضرتك طبعًا وأعرف إنك شخص مشاكس يعشق التنمر وخصوصا التنمر على الفنانين!”. وأضافت: “بس حابة أوضحلك كام حاجة كده:أولا، أنا أبويا نجم كبير من نجوم الوطن العربى ومحدش هيسمحلك تتكلمي عليه نص كلمة.. وأعتقد إنك شوفتى ده كفاية فى هجوم الوطن العربي كله عليكي اللي أنا نفسي أتفاجأت بيه وبشكر كل الناس الى ردت غيبتنا!”.

وأردفت: ثانيًا، لو الفنانين بالنسبة لك حياتهم مستباحة فأنا مش فنانة عشان تحطينى معاهم فى جمله مفيدة (مع احترامى لكل الفنانين طبعا). واختتمت حديثها قائلة: ثالثًا، أبويا اللي حضرتك بتغلطى فيه ده علمني أرفض التنمر بجميع أشكاله.. وحضرتك غلطتي فأنا أكيد مش هسكت!”. ونشرت العيدان عبر حسابها بمنصة تبادل الصور والفيديوهات “إنستقرام”، صورة مجمعة للفنان أحمد بدير وابنته سارة، معلقة عليها بعبارة “صورة ابنة الفنان أحمد بدير.. والله طلعت بنته مزة .. بنت الأقرع”.